أنا المغفل اللي حبيت وما سويت لحبي حساب

أنا المكابر اللي ما حطيت لعشقي حدود."

لا تكرر غلطتي ترى طعنتي جات من أغلى الأحباب..

طعنه الحبيب جات وأناواثق بانه يفي بالوعود.."

قالت أحبك وأنا لك قلت بس يا حبيبتي كلمتك الأولى عذاب..

وأنت لي وواقفة في وجه عذالك بصمود.."

كنت أشوفك لي وأتضح أن نظرتي سراب..

وكنت أشوفك أجمل ما خلق ربي في الوجود.."

كنت أشوفك لحن متناغم ينسكب على سمعي بأنسياب..

وكنت أشوفك ورده ما لها مثيل بين الورود.."

كنت أظنك في حبي هايم لكن ظني للأسف خاب ...

واللحين أشوفك أكبر مثال ينضرب للجحود.."

لا تعتذري ولا تنادينني حبيبي ترى حب قلبي أغلقته باب باب ..

لا تعتذري بكلام أشبه بصدى ضاع بعد كثر الردود.."

ليه الجفا وليه الخيانه...اكيد مالك جواب..

حسبي الله على فعلتك ليه تجازيني مثل عدو لدود.."

رغم طعنتك خفت أجرحك وأكتفيت بنظره عتاب..

وبداخلي أنفجعت بطعنتك مثل غافل سمع صوت الرعود.."

البلا الرجال لا منه شكى جاوبوه يا رجل طيش شباب.‏

ولا منه سكت بقهره الدمع ينساب فوق الخدود.. "

لأجل حبه الضايع بكى والراس قبل موعده شاب..

و الحبيب الخاين يتذكر قصه المغفل و يبتسم بكل برود.."

هذا يبكي وهذا يضحك معقوله في يوم كانوا أحباب؟؟

لكن البلا الأول حب وما حط لحبه حدود..